National

الوداع 2017 ۔۔۔ خوش آمدید 2018

جیوخبریں کی جانب سے اہل وطن کو نیا سال مبارک ہو۔

پاکستان سمیت دنیا کے مختلف ممالک میں 2017 کا سورج اپنی تمام تلخ و شیریں یادوں کے ساتھ غروب ہوگیا جب کہ دنیا میں سال نوکا آغاز   نیوزی لینڈ اور آسٹریلیا سے ہوا،اس موقع پر بڑی تعداد میں شہری سڑکوں پر نکل آئے اور جشن مناکر نئے سال کا استقبال کیا۔

آکلینڈ شہر کے اسکائی ٹاور پر نئے سال کا آغاز الٹی گنتی سے کیا گیا اور رات کے 12 بجتے ہی آتش بازی کا شاندار مظاہرہ کیا گیا جس کے نتیجے میں آسمان رنگ و نور میں نہا گیا۔ لوگوں نے ایک دوسرے کو نئے سال کی مبارک باد دی اور 2018 کا آغاز اس دعا سے کیا کہ یہ سال دنیا بھر میں امن و سلامتی والا ثابت ہو۔ آسٹریلیا میں سڈنی ہاربرپر 2018 کا استقبال کیا گیا اور شاندار آتش بازی کا مظاہرہ بھی کیا گیا جس سے رات میں دن کا سماں لگنے لگا۔

پاکستان میں 2018 کا آغاز ہوتے ہی کراچی، لاہور اوراسلام آباد سمیت ملک کے مختلف شہروں میں بڑی تعداد میں شہری سڑکوں پر نکل آئے اورانہوں نے نئے سال کو خوش آمدید کہا  جب کہ کراچی، لاہور اور اسلام آباد کے بحریہ ٹاؤن میں آتش بازی کا شاندار مظاہرہ کیا گیا۔

Tags

Related Articles

Leave a Reply

Your email address will not be published. Required fields are marked *

Close